మధిర, అక్టోబర్ 25 (పీపుల్స్ వాయిస్): మధిర బీఆర్ఎస్ ఇన్‌చార్జి లింగాల కమలరాజు జన్మదినం సందర్భంగా ఆయన నివాసంలో వందనం గ్రామ నాయకులు కేక్ కట్ చేసి శుభాకాంక్షలు తెలిపారు. కార్యక్రమంలో నారపోగు రాజేష్, మిట్టపల్లి కిషోర్, నారపోగు వాసు, మిట్టపల్లి వెంకటరత్నం, దంతలపల్లి విజయ్, నారపోగు కిషోర్, మిట్టపల్లి బాలరాజు పాల్గొన్నారు.
రాష్ట్రంలో ఇళ్ల స్థలాల కోసం ఎదురుచూస్తున్న జర్నలిస్టుల ఆకాంక్షలను నెరవేర్చేందుకు ప్రభుత్వం కృషి చేస్తోందని మంత్రి పొంగులేటి శ్రీనివాసరెడ్డి తెలిపారు. చట్టపరమైన చిక్కులు లేని, నివాసయోగ్యమైన ప్రాంతాల్లో స్థలాల కేటాయింపునకు కార్యాచరణ రూపొందిస్తున్నట్లు వెల్లడించారు.
ఖమ్మం, అక్టోబర్ 22 (పీపుల్స్ వాయిస్): ఈ నెల 24న నిర్వహించాల్సిన TUWJ-TJF ఖమ్మం డివిజన్ మహాసభను అనివార్య కారణాల వల్ల వాయిదా వేసినట్లు కోర్ కమిటీ సభ్యులు ఆకుతోట ఆదినారాయణ, చిర్రా రవి తెలిపారు. మహాసభ నిర్వహించే తదుపరి తేదీని త్వరలో ప్రకటిస్తామని పేర్కొన్నారు.
ఖమ్మం కలెక్టరేట్ ఎదుట ఇందిరమ్మ ఇళ్ల ఎంపిక పారదర్శకంగా చేపట్టాలని అఖిలపక్ష నాయకులు ధర్నా నిర్వహించారు. గ్రామసభల ద్వారా లాటరీ పద్ధతిలో లబ్ధిదారులను ఎంపిక చేయాలని డిమాండ్ చేశారు. అనంతరం జిల్లా కలెక్టర్‌కు వినతిపత్రం అందజేశారు. పలువురు వామపక్ష, బీఆర్ఎస్ నాయకులు పాల్గొన్నారు.
తెలంగాణలో రేషన్ బియ్యం అక్రమ రవాణాకు అడ్డుకట్ట వేసేందుకు బియ్యం బస్తాలపై క్యూఆర్ కోడ్లు ఏర్పాటు చేసే విధానాన్ని పౌరసరఫరాల శాఖ ప్రవేశపెట్టింది. 📲 క్యూఆర్ కోడ్ల ద్వారా బియ్యం సరఫరాపై పర్యవేక్షణ పెంచి, అక్రమాలకు అడ్డుకట్ట వేయడమే లక్ష్యం. ✅ రేషన్ బియ్యం పక్కదారి పట్టకుండా చర్యలు తీసుకోవడం స్వాగతించదగిన విషయం!
నాలుగు దశాబ్దాల క్రితం రైతులకు భారంగా మారిన భూమి శిస్తును ఎన్టీఆర్‌ 1984లో రద్దు చేశారు. శిస్తు చెల్లించలేక రైతులు ఎదుర్కొన్న ఇబ్బందులు, అధికారుల వేధింపులు చరిత్రలో నిలిచిపోయాయి. ఇప్పుడు కాంగ్రెస్‌ ప్రభుత్వం మళ్లీ భూమి శిస్తు వసూలుకు సిద్ధమవుతుండటంతో రైతుల్లో ఆందోళన వ్యక్తమవుతోంది.
ఆసియా క్రీడల్లో సత్తాచాటిన భారత అథ్లెట్లతో ప్రధాని నరేంద్ర మోదీ సమావేశమయ్యారు. “మనం చేసి చూపిద్దాం” అంటూ క్రీడాకారుల్లో స్ఫూర్తి నింపారు. భారత్‌ను ప్రపంచ క్రీడారంగంలో అగ్రశక్తిగా నిలపడమే లక్ష్యమన్నారు. క్రీడాకారుల విజయాలను అభినందిస్తూ, కోచ్‌లు, సహాయక సిబ్బంది కృషిని కొనియాడారు.
మంత్రి నారా లోకేశ్ విజయవాడలో రాష్ట్రపతి ద్రౌపదీ ముర్మును మర్యాదపూర్వకంగా కలిశారు. ఈ సందర్భంగా ఆమెను శాలువాతో సత్కరించి, ఆంధ్రప్రదేశ్ చేనేత వైభవానికి ప్రతీకగా మంగళగిరి చీర, హస్తకళలకు గుర్తింపుగా ఏటికొప్పాక లక్క బొమ్మలను బహూకరించారు. దసరా ఉత్సవాలు, జాతీయ సరస్ మేళాలో పాల్గొనేందుకు విజయవాడ వచ్చిన రాష్ట్రపతికి లోకేశ్ ధన్యవాదాలు తెలిపారు.
విజయవాడ ఇంద్రకీలాద్రిపై మూలా నక్షత్రం సందర్భంగా కనకదుర్గమ్మ సరస్వతీ దేవి అలంకారంలో దర్శనమిస్తున్నారు. అమ్మవారి దర్శనం కోసం భక్తులు భారీగా తరలిరావడంతో అధికారులు వీఐపీ, సిఫార్సు దర్శనాలను రద్దు చేశారు. ఉచిత దర్శనానికి మాత్రమే అనుమతిస్తూ భద్రత ఏర్పాటు చేశారు. సాయంత్రం సీఎం చంద్రబాబు రాష్ట్ర ప్రభుత్వం తరఫున అమ్మవారికి పట్టువస్త్రాలు సమర్పించనున్నారు.
బంగారం కొనుగోలుదారులకు ఊరట.. తెలుగు రాష్ట్రాల్లో పసిడి ధరలు తగ్గాయి. హైదరాబాద్, విజయవాడలో 10 గ్రాముల 24 క్యారెట్ల బంగారం రూ.1,47,430గా, 22 క్యారెట్ల ధర రూ.1,35,140గా నమోదైంది. వెండి ధర కూడా స్వల్పంగా తగ్గి కిలో రూ.2,29,900కు చేరింది. ఢిల్లీలో 24 క్యారెట్ల బంగారం రూ.1,47,580గా ఉంది. ధరలు మారే అవకాశం ఉండటంతో కొనుగోలు ముందు తాజా రేట్లు పరిశీలించాలి.
