తుఫాన్‌తో పంట నష్టపోయిన రైతులను ప్రభుత్వం ఆదుకోవాలి_షేక్‌ హుస్సేన్‌ డిమాండ్
తుఫాన్‌తో పంట నష్టపోయిన రైతులను ప్రభుత్వం ఆదుకోవాలి
టీఆర్‌ఎస్‌ జిల్లా అధ్యక్షుడు షేక్‌ హుస్సేన్‌ డిమాండ్
తల్లాడ, అక్టోబర్ 29 (పీపుల్స్ వాయిస్):
ఖమ్మం జిల్లాలో తుఫాన్‌ ప్రభావంతో పంట నష్టపోయిన రైతులను ప్రభుత్వం తక్షణమే ఆదుకోవాలని టీఆర్‌ఎస్‌ జిల్లా అధ్యక్షుడు షేక్‌ హుస్సేన్‌ డిమాండ్ చేశారు. ఆరుగాలం శ్రమించి పండించిన పంటలు చేతికొచ్చే సమయంలో దెబ్బతినడంతో రైతులు తీవ్రంగా నష్టపోయారని పేర్కొన్నారు.
మంగళవారం అర్ధరాత్రి నుంచి బుధవారం వరకు వీచిన బలమైన ఈదురుగాలులు, వర్షాల కారణంగా తల్లాడ, కల్లూరు, మధిర, ఎర్రుపాలెం, వైరా, కొణిజర్ల, చింతకాని తదితర మండలాల్లో కోత దశలో ఉన్న వరిపైరు నేలకొరిగి నీట మునిగిందని తెలిపారు. పత్తి పంటలోనూ కాయల్లోకి నీరు చేరడంతో రైతులకు నష్టం వాటిల్లిందన్నారు.
ఖరీఫ్‌ సీజన్‌లో వరి సాగుకు ఎకరానికి సుమారు రూ.25 వేల వరకు పెట్టుబడి పెట్టిన రైతులు, ప్రస్తుతం పంట చేతికందే సమయంలో నష్టపోవడం ఆందోళనకరమన్నారు. ప్రభుత్వం క్షేత్రస్థాయిలో పంట నష్టాన్ని సమగ్రంగా అంచనా వేసి, బాధిత రైతులకు తగిన పరిహారం అందించాలని షేక్‌ హుస్సేన్‌ కోరారు.
ఇది కూడా చదవండి :: తెలంగాణను కరువు రాష్ట్రంగా ప్రకటించాలి! : కూనంనేని
About the author
Yakub Pasha
Founder & Editor-in-Chief
9+ YEARS OF EXPERIENCE IN JOURNALISM & DIGITAL MEDIA : Digital News Creator specializing in Political Reporting, News Writing & Editing, SEO Optimization, Social Media Management, Breaking News Coverage, Headline Writing, Digital Content Creation, and Audience Engagement.
