చింతకాని మండలాన్ని కరువు మండలంగా ప్రకటించాలి _ తహసీల్దార్‌కు వినతిపత్రం అందజేత

చింతకాని మండలాన్ని కరువు మండలంగా ప్రకటించాలి

గ్రామసభలో తహసీల్దార్‌కు వినతిపత్రం అందజేత

చింతకాని, అక్టోబర్ 28 (పీపుల్స్ వాయిస్): చింతకాని మండలాన్ని కరువు మండలంగా ప్రకటించాలని కోరుతూ బసవపురం గ్రామ ప్రజాప్రతినిధులు బుధవారం తహసీల్దార్‌కు వినతిపత్రం అందజేశారు.

బసవపురం గ్రామపంచాయతీ కార్యాలయంలో నిర్వహించిన గ్రామసభకు తహసీల్దార్ ముఖ్య అతిథిగా హాజరయ్యారు. ఈ సందర్భంగా వాతావరణ పరిస్థితుల ప్రభావంతో రైతులు సాగునీటి కొరత, విద్యుత్ సమస్యలను ఎదుర్కొంటున్నారని ఆమె పేర్కొన్నారు. నీటిని పొదుపుగా వినియోగించుకోవాలని గ్రామస్థులకు సూచించారు.

అనంతరం సర్పంచ్ ఆవుల నరసింహారావు, ఉపసర్పంచ్ చంద్రకాని నరసింహారావు, వార్డు సభ్యులు మండలంలోని రైతులు ఎదుర్కొంటున్న సమస్యలను దృష్టిలో ఉంచుకుని చింతకాని మండలాన్ని కరువు మండలంగా ప్రకటించాలని కోరారు. రైతులకు ఉపశమనం కలిగించేలా ప్రభుత్వం తగిన చర్యలు తీసుకోవాలని విజ్ఞప్తి చేశారు.

ఈ గ్రామసభలో పంచాయతీ కార్యదర్శి, ఉపాధి హామీ పథకం ఫీల్డ్ అసిస్టెంట్, అంగన్‌వాడీ టీచర్, గ్రామ దీపిక, గ్రామ పెద్దలు, ప్రజలు పాల్గొన్నారు.

ఇది కూడా చదవండి :: తెలంగాణను కరువు రాష్ట్రంగా ప్రకటించాలి! : కూనంనేని