తెలంగాణ రాష్ట్ర ప్రజలకు విజయదశమి శుభాకాంక్షలు తెలిపిన సీఎం రేవంత్‌రెడ్డి

తెలంగాణ రాష్ట్ర ప్రజలకు విజయదశమి శుభాకాంక్షలు తెలిపిన సీఎం రేవంత్‌రెడ్డి

ప్రతి ఇంటా ఆనందం వెల్లివిరియాలి.. ప్రజలంతా సుఖసంతోషాలతో ఉండాలి

 హైదరాబాద్ అక్టోబర్ 20 (పీపుల్స్ వాయిస్)

హైదరాబాద్: తెలంగాణ ముఖ్యమంత్రి ఎ. రేవంత్‌రెడ్డి రాష్ట్ర ప్రజలకు విజయదశమి శుభాకాంక్షలు తెలిపారు. చెడుపై మంచి, అధర్మంపై ధర్మం సాధించిన విజయానికి విజయదశమి ప్రతీకగా నిలుస్తుందని పేర్కొన్నారు. తెలంగాణ సంస్కృతి, సంప్రదాయాల్లో దసరా పండుగకు ప్రత్యేక స్థానం ఉందని తెలిపారు.

దసరా పండుగ ధైర్యం, ధర్మం, సత్యం, ఐకమత్యం, ఆత్మవిశ్వాసం వంటి గొప్ప విలువలను చాటిచెబుతుందని పేర్కొన్నారు. ప్రజలంతా ప్రేమ, సోదరభావం, పరస్పర గౌరవంతో కలిసిమెలిసి జీవించాలని ఆకాంక్షించారు.

ఈ విజయదశమి ప్రతి ఇంటా ఆనందాన్ని నింపాలని, ప్రతి కుటుంబంలో సుఖసంతోషాలు వెల్లివిరియాలని, ప్రజలందరికీ ఆయురారోగ్యాలు, శాంతి సౌభాగ్యాలు కలగాలని ముఖ్యమంత్రి ఆకాంక్షించారు. తెలంగాణ రాష్ట్రం అన్ని రంగాల్లో అభివృద్ధి సాధించాలని, ప్రజల జీవితాల్లో ప్రగతి, సంక్షేమం మరింత పెరగాలని కోరుకున్నారు.

తెలంగాణలో దసరా సందర్భంగా జమ్మి పూజలు నిర్వహించడం, జమ్మి ఆకులను బంగారంగా భావించి పరస్పరం ఇచ్చిపుచ్చుకోవడం మన సంప్రదాయాల్లో ప్రత్యేకమని పేర్కొన్నారు. పండుగలు ప్రజల మధ్య ఐక్యతను పెంపొందిస్తూ, మన సంస్కృతి, సంప్రదాయాలను భావితరాలకు అందిస్తాయని తెలిపారు.

ఇదీ చదవండి :: దసరా వేడుకల్లో పాల్గొన్న డిప్యూటీ సీఎం భట్టి విక్రమార్క